Атина се надева дека наскоро ќе се постигне договор за грчкиот дел од „Турски поток“

Од:

Грчкиот премиер Алексис Ципрас и директорот на „Газпром“ Алексеј Милер се договорија за создавање работна група за гасоводот со кој руски гас би се пренесувал преку северна Грција до централна Европа.

Според грчките медиуми, Ципрас и Милер се договориле следните месеци да се работи на „насоки“ со кои ќе се прецизираат обврските на двете страни во врска со прокетот вреден неколку милијарди долари.

Извори од грчката Влада соопштија дека Атина се надева оти договорот ќе биде потпишан наскоро.

Милер по средбата со Ципрас изјави дека „Газпром“ може да привлече две милијарди евра за руско-европски конзорциум за изградба на гасовод во Грција кој би бил дел од „Турски поток“, додавајќи дека неколку европски компании веќе изразиле интерес за проектот.

Тој увери дека проектот ќе биде реализиран со строго почитување на европското законодавство.

„Газпром“ гарантира дека по изградбата на гасоводот од грчко-турската граница преку територијата на Грција ќе се транспортираат до 47 милијарди кубни метри гас годишно, информира Милер и додаде дека ваквиот обем ќе и даде на Грција можност да обезбеди доволно кредит да спроведе други програми во земјата.

Гасоводот „Турски поток“ е замислен како алтернатива на проектот „Јужен поток“, кој Русија во декември минатата година реши да го укине. Трасата на новиот гасовод по дното на Црно Море во поголем дел ќе се совпаѓа со трасата на „Јужен поток“ која претходно беше договорена.

На 1 декември 2014 година „Газпром“ и турската компанија „Боташ“ потпишаа меморандум за разбирање за изградба на морски гасовод од Русија до Турција преку Црното море со капацитет од 63 милијарди кубни метри годишно.

Би можело да ве интересира

(ВИДЕО) Големо невреме во Грција, силните ветрови корнеа дрвја, многу автомобили се превртени

Забрана за сообраќај на возила на грчките острови Парос и Миконос поради поплави и силно невреме

А1он

Четири опозициски партии доставија барање за гласање недоверба на грчката Влада

А1он

(ВИДЕО) Грција е целосно парализирана: Има судири, летаат солзавци и молотови коктели

Горан Наумовски

Нова демократија: Продолжуваат нападите врз партијата

А1он

Живеат над 90 години и не знаат за деменција – жителите на грчки остров пијат чај секој ден

А1он