„Астон Мартин“ ја претстави новата засилена верзија на својот четворосед, моделот „Рапид С“
Единствената лимузина со четири врати од гамата на овој британски производител ја доби својата унапредена „С“ верзија. Во однос на стандардниот „Рапид“, надворешноста на автомобилот останува речиси непроменета, а единствената разлика се забележува на маската на ладилникот и на малиот заден спојлер.
Како опција, достапен е и пакетот опрема кај кој некои елеменети од каросеријата, како куќиштето за ретровизорот, предниот спојлер и задиниот дифузер, се изработени од јаглеродни влакна.
Во внатрешноста „Рапид С“ доби детали што се изведени во црн, висок сјај, додека седиштата, инструментите на таблата и внатрешноста на вратите се обложени со кожа во црвено-црна комбинација.
Доколку сакате „Рапид С“ може да се претвори во двосед, со соборување на задните седишта, со што, наведуваат од фабриката, се добива корисна запремнина од 900 литри.
Во дополнителната опрема спаѓаат и двата екрана од мултимедијалниот систем, што се вградени во предните седишта, и кои можат да ги користат патниците кои седат одзади.
Најважното подобрување на овој автомобил, заради што тој и ја доби ознаката „С“, сепак, се однесува на 5,9 литарскиот В12 мотор. Овој агрегат се засилен со 81 КС, така што сега развива 558 КС, максималниот обртен момент исто така е зголемен и, тоа за 20 Нм, и зинесува 620 Нм.
Благодарение на ова унапредување, „Астон Мартин Рапид С“ е во состојба од 0 до 100 километри да развие за 4,9 секунди, што е за 0,3 секунди побрзо отколку кај стандардниот модел.
Зголемена е и максималната брзина, од 302, 5 на 305,7 километри на час.
„Астон Мартин Рамид С“ ќе почне да се продава во февруари 2013 година а се очекува неговата почетнља цена да изнесува 180.000 евра.