Колку Законот за земјоделство и рурален развој како основа во аграрната политика е познат меѓу земјоделците, колку се применува, дали се добри организациските форми и начини на учество на земјоделците при креирањето и носењето на јавните одлуки на Министерството за земјоделство, шумарство, водостопанство, се прашањата на кои ќе одговори проектот „Законите ги има, примената ја нема“.
На денешниот завршен настан што го организира Рурална коалиција, освен резултатите од проектот, ќе бидат претставени и резултатите од трите анализи спроведени во овој домен изминатите шест месеци.
„Законите ги има, примената ја нема“ е финансиран од ЕУ преку ИПА 2 Механизмот за граѓански организации.