Аксиос: Германија го повика американскиот Конгрес да не воведува санкции за Северен тек 2

Од:

Германската влада бара од американскиот Конгрес да не воведува санкции за Северен тек 2, бидејќи ограничувањата може да ја ослабат довербата во САД. Ова се наведува во таен документ што германската амбасада во Вашингтон го испратила до Конгресот, а кој денеска го објави порталот Аксиос.

dobivaj vesti na viber

Во документот се наведува дека Берлин е „решен успешно да ги спроведе“ претходно постигнатите билатерални договори од 21 јули за „зајакнување на енергетската безбедност на Украина и Европа, како и спречување Русија да го злоупотребува гасоводот за агресивни политички цели“.

Според Германија, „американските санкции за Северен тек 2 ќе ги поткопаат обврските преземени кон Германија во заедничката изјава (од 21 јули), ќе ја ослабат довербата во американската влада и ќе го загрозат постигнатото со заедничката изјава, вклучително и поддршката на Украина.

Според документот, ограничувањата „на крај ќе му наштетат на трансатлантското единство“. „Санкциите против американски сојузник ќе бидат само победа за Путин. „Загрижени сме дека зајакнувањето на унилатералната акција на американскиот Конгрес ќе ги поткопа заедничките напори и сериозно ќе го ослабне трансатлантското единство кон Русија“, се вели во документот.

Според Берлин, спроведувањето на договорите постигнати во јули „е најдобар начин за заштита на интересите на Украина“ и „гаранција дека Русија нема да ги користи енергетските ресурси како оружје“. Германската влада нагласува и дека Северен тек 2 во моментов не претставува закана за Украина, се додека е обезбеден разумен транзит на гас, пренесува Аксиос.

Би можело да ве интересира

Растот на производствените цени во Германија во јули најсилен во повеќе од 70 години

А1он

Најголемиот увозник на гас во Германија за шест месеци загуби 12 милијарди евра

А1он

Извршителот на нападот со автомобил во Германија во 2020 година е осуден на доживотен затвор

Горан Наумовски

Четиригодишно момче прегазено од валјак во Германија

Четиригодишно момче во Германија прегазено од валјак, починало на лице место

А1он

Германија воведува данок на гас за потрошувачите

А1он