Акционерите на енергетскиот гигант Royal Dutch Shell го одобрија предлогот за преместување на своето седиште од Холандија во Велика Британија.
Конечните резултати се очекува да бидат објавени подоцна, како и одлуката за промена на името од „Royal Dutch Shell“ во само „Shell“. Компанијата исто така планира во иднина да користи само еден вид акции наместо сегашните два.
Преселбата во Велика Британија треба да го намали даночното оптоварување на компанијата, ослободувајќи ја од плаќањето данок на дивиденда од 15 отсто во Холандија.
Според еколошките организации, преместувањето на фабриката е поврзано со одлуката на холандскиот суд во мај, кој го обврза концернот да ги намали емисиите на стакленички гасови за 45 отсто до 2030 година. Компанијата во моментов се обидува да ја оспори таа пресуда.