Министерството за труд и социјална политика одвои 2,4 милијарди денари за субвенции за зголемување на платите од 600 до 6000 денари во приватните компании. Министерката за труд, Мила Царовска најави детали за аплицирањето в петок.
„Во петок е прес конференцијата на која што ќе бидат соопштени детали за оваа мерка. Законот помина минатата недела и беше објавен во Службен весник исто така и правилникот, Сега ќе извршуваат корекција на плати оние компании што се заинтересирани и за наредниот месец ќе аплицираат како нови оние кои што не направиле исплата со ноемвриската плата’, најави министерката Царовска.
Таа на денешната презентација на буџетот на Министерството за 2020 година објасни дека оваа за ставка со износ од 2,4 милијарди денари за следната година, трансферите се раздвојуваат, односно парит одат кон Пензискиот фонд, кон Фондот за здравство, и кон Агенцијата за вработување.