Во Ликовниот салон во Велес премиерно беше отворена изложба на фотографии насловена „ЗАЕДНО“ на Фотокино клуб – Битола и Фото група „Чкрап!“ од Тетово. На изложбата се претставија 13 фотографи со вкупно 45 фотографии.
Целта на оваа изложба е да се раздвижат фотографската сцена во Македонија и на љубителите на уметноста да им се подари пријатно визуелно искуство.
Темата на сите фотографии е различна. Драги Неделчевски од Тетово појаснува дека фотографијата зборува со универзален јазик и дека сите фотографи присутни на изложбата со свои фотографии на свој начин кажуваат нешто за себе, за своите преокупации и интереси и за светот околу нив, оставајќи личен печат.