Во галеријата при Домот на културата „Иван Мазов – Климе“ во Кавадарци беше отворена изложба на познатиот австриски ликовен уметник Бернхард Холеман, со наслов „Македонски вински пејсажи“.
Директорот на Домот на културата Владимир Темков, подвлече дека Кавадарци има чест што е домаќин на изложба на овој австриски уметник.
– Со задоволство на кавадаречката културна јавност, ги нудиме делата на големиоит уметник кои се инспирирал токму од лозарството и винарството, рече Темков.
Цветанка Митрова од Музејот во Демир Капија, говорејќи за творештвотро на Холеман, нагласи дека делата на авторот слободно можеме да кажеме оти му припаѓаат на поднебјето на Кавадарци и на целиот Тиквешки регион, бидејќи многу е блиска врската неѓу него и Тиквешијата во овој циклус на слики .
– И тој како и ние разбравме дека основната димензија во човековото постоење е сонцето и животот што од него зрачи.Овој јужен крај од Македонија е инспирација која го исполнува Бернхард Холеман за да ги создаде делата кои се преплавени од радост и позитивна енергија родена од вечниот извор на македонското сонце, истакна таа.
Климе Коробар, кој исто така говореше на отварањето на изложбата, меѓу другото рече дека виното е свет пијалок и токму тоа нашло инспирација кај сликарот.
Изложбата „Македонски вински пејсажи“ е организирана по повод 80 годишниот роденден на авторот кој е роден во Германија. Таа е дел од манифестацијата „Кавадаречка културна есен 2015“.