На Градскиот плоштад „Карпошово востание” во Крива Паланка вечер ќе се одржи четвртата „Вечер на осоговски песни 2018″.
Настанот е во организација на Национална установа Центар за култура – Крива Паланка од каде најавија несекојдневна вечер со старогратските песни од Осоговието.
– На оваа четврта вечер на Осоговски песни која ги промовира староградските песни ќе настапат групата за староградски песни „Делчевски еснафи“, женската пејачка група „Ѓурѓа“, Делчево, ансамблот за староградска песна „Распеани Паланчани“, Крива Паланка, пејачката група „Сирма војвода“ при здружението на пензионери од Битола и градскиот хор-Штип, истакна Вања Јакимовска, директор на НУЦК, Крива Паланка.
На 11 јули Центарот за култура организира и проекција на филмот „Исцелител“ во режија на Ѓорги Ставревски, а настаните се поддржани до Министерство за кулутра како дел од годишната програма на НУЦК.