Мјузиклот „Тајно моја“ посветен на Тоше Проески денеска, утре и задутре повторно ќе биде на репертоарот на Македонската опера и балет поради голем интерес од публиката. Изведбите се закажани за 20 часот.
Во претставите вечер и на 21 април главните улоги ќе ги толкуваат Антонија Гиговска и Александар Тарабунов, а утре Гиговска ќе настапи со Денис Димовски.
Во останатите улоги се: Сара Гигова, Весна Петрушевска, Игор Џамбазов, Десанка Глигоријевиќ, Тони Михајловски, Тања Бојковска, Мила Николовска, Ристе Гавровски, Симеон Коруноски, Лазе Манасковски, Симон Манасковски, Марија Спасовска, Андреа Георгиевска, и Калеша Џангаловска Настапуваат Оркестарот, Хорот и Балетскиот ансамбл на МОБ, а диригент е Иван Еминовиќ.
МОБ информира дека билетите за овие претстави се пуштени во продажба по цена од 600 денари на билетарницата на МОБ, во Југотон ГТЦ и во сите продавници на Нептун низ Македонија, како и електронски на mob.com.mk и karti.com.mk.