Тасевска: Повеќе пари за македонско културно наследство, СДСМ поднесе измени на Законот за игри на среќа

Од:

Пратениците од СДСМ поднесоа Предлог на Закон за изменување и дополнување на Законот за игрите на среќа и за забавните игри.

– Нашат цел e со овие измени дел од парите кои се влеваат во државниот буџет преку игрите на среќа да се наменат за зачувување на нашето домашно, македонско културно наследство. На овој начин ќе се обезбедуваме соодветно зачувување на културното наследство во неговата автентична и интегрална форма. Создавањето нов кадар за заштита на културното наследство и континуираната едукација на постојниот кадар во заштитата, нужно упатува на потребата од дополнителни финансиски средства со кои ќе се стипендираат кадри на сите три циклуси во образовниот процес вели пратеничката на СДСМ Лидија Тасевска.

Со Предлог законот се бара да се овозможи средствата остварени по сите основи од приредувањето на игрите на среќа и на забавните игри да се користат и за јавните установи за заштита на културното наследство преку Министерството за култура и за степендирање на дефицитарни кадри во заштитата на културното наследство преку Министерството за образование и наука. Износот се определува на 50% од вкупниот приход од игрите на среќа и забавните игри утврден во претходната календарска година, но не помалку од 60 милиони денари и не повеќе од 120 милиони денари.

– Бараме поддршка од сите пратеници за донесување на на овие измени на Законот затоа што придобивките се големиќе се надмине проблемот со кадровска дефицитарност на стручниот кадар во заштитата на културното наследство,ќе се создадат стручни кадари кои ќе бидат подготвени да ги спроведат сложените постапки на непосредна заштита на културното наследсво, согласно највисоките меѓународни стандарди, ќе се зголеми бројот на заштитени културни добра, ќе се унапреди заштитата, управувањето и одржливото користење на културното наследство, ќе се придонесе кон зачувување на културното наследство како моќен ресурс за развој на целокупното општество како и за промоција на европските фундаментални вредности и двигател на економскиот и туристичкиот развој, рече Тасевска.

Би можело да ве интересира

ВМРО-ДПМНЕ реагира на пресот на СДСМ: Лага е дека ќе се вработуваат 3000 лица

Петрушевски: Ако Филипче и СДС не го осудат говорот на омраза на Орданоски кон Трамп и САД тие даваат сигнал дека се согласуваат

Кузеска: Историски најголема партизација, 3000 партиски кадри ќе вработи Изет Меџити

Венко Филипче единствен кандидат за претседател на СДСМ за партиските избори на 16 март

СДСМ: Меџити најавува илјадници партиски вработувања, се спрема масовна партизација пред изборите

СДСМ: Власта со месеци не го основа Инспекторатот за употреба на македонски јазик

Катерина Ѓуровски