Народниот театар-Штип со претставата-дуодрама „Отворач на конзерви“ во режија на Стојан Матавуљ ја освои наградата на публиката и на Град Ресен „Наум Манивилов-Преспански“. Во претставата играат актерите Миле Вратеовски и Владимир Тулиев.
– „Отварач на конзерви“ е трагикомедија, дело на францускиот актер и режисер Виктор Лану. Заплетот почнува по експлозија во фабрика за производство на гуми за џвакање. Двајцата пријатели остануваат заробени во затворен простор каде што имаат само конзерва грашок. Целата приказна се врти околу губењето на отворачот, рече на прес-конференција Миле Вртеовски, директор на Центарот за култура „Ацо Шопов“-Штип.
Претставата е во копродукција со Општина Штип. Во последната театарска сезона ова е шеста награда за Штипскиот театар. Претходно, на други фестивали беа наградени претставите „На дното“ и „Лазаревото писмо“