Во галеријата во Стар Дојран синоќа беше отворена прва самостојна изложба на Сотир Хаџи-Николов насловена „Сеќавања”, која е трет настан од манифестацијата „Дојран – град на културата“.
На изложбата се претставени 15-ина дела кои тој ги изработил во изминатиов период.
Сотир Хаџи-Николов е млад уметник од Гевгелија и има учествувано на неколку групни изложби во Македонија и во странство.
На отворањето на изложбата тој се заблагодари за поддршката од Општина Дојран и Министерството за култура и рече дека се голем поттик да продолжи да работи и да создава дела кои ќе го отсликаат неговиот талент.