Резиденција на двајца хрватски уметници во организација на „Локомотива“

Од:

Здружението Локомотива – Центар за нови инцијативи во уметноста и културата од денеска до 9 септември организира уметничка резиденција на двајца уметници од Хрватска – кореографката и изведувач Соња Преград и визуелниот уметник и изведувач Марко Гутиќ Мижимаков.

Резиденцијата е во рамки на програмата „Современа кореографија и танц” и ќе се реализира во Кино Култура – проектен простор за современи изведувачки уметности и современа култура. Уметничката резиденција ќе опфати уметничко истражување проследено со јавна презентација и изведба на авторски перформанси на поканетите уметници.

Преград и Гутиќ Мижимаков ќе реализираат уметничко истражување во рамки на една хипер-/хипо/-кореографија – точка на состанување помеѓу соматското и дигиталното – преку креирање замислен пејзаж на комуникација помеѓу нив.

-Барајќи потенцијал за субверзија, тие сакаат да истражат што значи сензитивноста и што ја придвижува сензитивноста во трепкачката слика која е претставена како хипер-реална. Како уметници кои творат во два различни медиума, танцот и движењето – како домен на Преград и филмот, видеото и 3Д-анимацијата како домен на Гутиќ Мижимаков, за нив претставува простор со голем потенцијал за истражување, базирано на пракса преку креирање екосистем, заснован на меѓусебната зависност на двата спротивни медиуми. Тие во рамки на истражувањето ќе работат на изградба на овој хипер-/хипо-/дигитално-кореографски пејзаж од три насоки: танц, слика и колектив. На 9 септември јавно ќе ги презентираат резултатите од истражувањето, соопшти Здружението Локомотива.

Би можело да ве интересира

Фестивал на урбана култура – МУРАЛ

Ана Ололовска

Отворање на уметничките колонии во Слоештица и во Цапари

Ана Ололовска

Паралелни ликовни колонии во Слоештица и во Цапари

Ана Ололовска

Рисимкин и Данчевска на „Соло танц фестивал” во Анкара

Ана Ололовска

Авторскиот портрет на Константин Плевнеш на Интернационалниот фестивал на фотографијата во Банги

Ана Ололовска

Во Велес ќе се одржи втората Скулпторска колонија „Велес 2020“

Ана Ололовска