Реконструиран манастирскиот комплекс „Св. Преображение“ во Зрзе

Од:

Со поддршка на Министерството за култура заврши реконструкцијата на манастирскиот комплекс „ Св. Преображение“ во село Зрзе, Прилепско.

Како што соопшти Министерството за култура, согласно проектот за заштита на овој значаен споменик на културата изработен од стручните служби од Заводот за заштита на спомениците на културата и музеј – Прилеп беше извршена реконструкција и внатрешно уредување на Монашкиот конак во кој е предвидено да се смести работилницата за иконопис, копаничарство и други дејности кои се негуваат во монашкото братство. Во монашкиот конак, согласно проектот, е реконструирана и магерницата. Исто така, преземени се активности и за конзервација, реставрација и делумна реконструкција на кулата до влезната порта, како и делумна реконструкција на северо-источниот бедем. Во рамки на завршните активности за заштита на манастирот „Свето Преображение“ е реализирана изведбата на Горна порта како и партерно уредување на целиот манастирски комплекс.

Претходно на оваа локација се спроведени големи археолошки истражувања, кои резултираа со пронаоѓање монашка населба од втората половина на IX век во бигорната карпа и ранохристијанска базилика од V век, што го определува Зрзе како културен центар уште од најраните пројави на христијанството на територијата на Република Македонија. Паралелно со реконструктивните зафати во состав на манастирскиот комплекс „Зрзе“, Јавното претпријатие за државни патишта го изгради и локалниот пат кој води до овој културен и верски објект.

Би можело да ве интересира

Работниците контра министерката за култура: Зголемувањето на платите е два, а не 12 отсто

Орце Костов

Почина актерот Мустафа Јашар

Вандализирана црквата „Свети Атанасиј“ на тетовско Кале

Квинтетот на Симон Трпчески и оркестарот „Ајга“ со два концерти во Скопје

На црква на тетовско Кале поставено знаме на Албанија

Горан Наумовски

(ВИДЕО) Муамер Абедин, самоук музичар на повеќе од десет инструменти: Научив да свирам од велешката чалгија во која уживал и турскиот султан

Орце Костов