Отворен е повикот за работилницата за ready-made методот на творење, што ја организира Културниот центар „Кула“ во соработка со фестивалот „Дримон“, а ќе се одржи во Струга, од 22 до 24 јули во рамки на фестивалот „Дримон“.
Сите заинтересирани можат да се пријават преку испраќање пополнета апликација на http://ku-la.org/?p=2221 и
Во текот на работилницата ќе се изработуваат накит, скулптури и неконвенционални инструменти од рециклиран отпад.
– Главната цел на работилницата е да вмрежи млади луѓе кои се заинтересирани за алтернативните начини на употреба на секојдневните предмети, информира Културниот центар „Кула“.
По завршувањето на работилницата, предвидена е изложба од изработените скулптури и концерт со создадените инструменти.
Ментори на работилницата ќе бидат Сандра Јовановска, Маја Стојковска, Сања Симоска, Иван Трајчев и Марко Јанев. Работилницата е поддржана и финансирана од Холандската амбасада во Македонија.