Промовирана стихозбирката „Трновитиот пат на очајниците“ од Славјанка Љуткова

Од:

„Трновитиот пат на очајниците“ е стихозбирката на поетесата Славјанка Љуткова што денеска беше промовирана пред споменикот на загинатите борци од Граѓанската војна во Грција, во Велес, каде се наоѓа и бистата на Мирка Гинова. Настанот е во организација на Здружението на Македонците од Егејскиот дел на Македонија „Ѕвезда“.

Пред присутните на настанот помоторот Љупчо Данов потенцира дека додека ги читал овие стихови ми дошла помислата за немирот и љубовта со која авторката Славјанка ги опишала мајчините, бабините и татковите приказни и кажувања како дел од бегалската меморија на луѓето од Егејот, слеани во зборови со наталожена тежина и едноставност, но и великодушност.

-Искоренетиот порив да не се заборави исконското, македонското страдање, во овие искажувања не носи далеку во годините, кога една борба била заменета со друга. Колоната мајки и деца чекореле од Егејот до Европа. Ги ресеала луѓето и нивните судбини,стремежи и надежи низ цела Европа: од Македонија, Србија, Романија, Унгарија,Чехословачка, Полска, па се’ до Русија. Европа не сакала да знае и да ги гледа овие бегалциТие биле само бројка и списоци со имиња, без почеток и крај, потенцира Данов.

Како што додаде, тие Македонци во своите торбулиња носеле грстови земја, завиткани во бабините крпи и шамии, адет-да не се заборави мирисот на земјата на која се родиле.
-Европа сеуште не им верува на солзите на Македонците од Егејот,а од таму не се гледа подадената рака на помирување и надеж за враќање, потенцира Данов.

Авторката Славјанка Љуткова за МИА вели дека оваа стихозбирка е нејзиното најголемо богатство кое го создала. Го напишала во чест на нејзините родители Костадинка и Аристиди Кајшарови и илјадниците Македонци бегалци од родните огништа и нивната голгота, но надеж дека ако не тие барем нивните поколенија еден ден ќе ги посетат родните огништа на своите родители, баби и дедовци.

Би можело да ве интересира

„Што ќе речат нашите внуци“, нова поетска книга од Раде Силјан

Ана Ололовска

Традиционална поетска манифестација „Празник на липите“ 2020

Ана Ололовска

Седум поетски остварувања во потесниот круг за наградата „Антево перо“

Ана Ололовска

Младата поетеса Ива Дамјановски е добитник на годинешната награда „Браќа Миладиновци“

А1он

„Поетите на третата генерација во македонската литература“, нова книга од Веле Смилевски

Ана Ололовска

„Поетската ноќ во Велестово“ во знакот на творештвото на Зоран Анчевски, интернационалната вечер презакажана за наредното издание

Ана Ололовска