Промоција на „МАКЕДОНИУМ: Драматургија на незавршеното“ – заедничко истражувачко дело на Јане Чаловски и Христина Иваноска

Од:

Во Младинскиот културен центар (МКЦ) вечер ќе се одржи промоција на „МАКЕДОНИУМ: Драматургија на незавршеното“ – најново заедничко истражувачко дело на уметниците Јане Чаловски и Христина Иваноска.

dobivaj vesti na viber

Книгата е дел од студиската, дискурзивна, истражувачко-изведбена и издавачка програма на „Проектниот простор Прес ту егзит“ за 2020 година. Авторка на воведниот текст е Јованка Попова, дизајнот е на Неда Фирфова, а преводот и лектурата се на Ана Василева и Ѓоко Здравески. Промоцијата ќе ја води Владимир Јанчевски, куратор и историчар на уметноста.

Книгата содржи нов авторски материјал на Иваноска и Чаловски, инспириран од истражувањето на архивната документација од процесот на изработка на споменичниот комплекс „Македониум“, подоцна преименуван во „Илинден“, на авторите Јордан и Искра Грабулоски, а отстапена од страна на семејството на Државниот архив во Скопје.

-Во оваа книга конкретните архивски материјали со кои авторите за прв пат се среќаваат во 2017 година, претставуваат супститут за вистинската и жива меморија отворена за дијалектиката на сеќавање и заборавање. Книгата е прв (или почетен) чин на материализација на истражувањето и се состои од два уметнчки концепти, архивен материјал и реаобјава на неколку текстови од други автори, кои во различни временски периоди и од различен аспект пишуваат за споменикот, соопштија од МКЦ.

Драматуршкиот текст „Доколку постои приказна“ на Иваноска е разработен во седум сцени. Во него се интепретирани дел од записниците и документацијата од работните средби на телата составни од еминентни личности и експерти, а создадени околу изградбата и одржувањето на споменикот. Преку нив може да се воочи наметнатиот општествено-политички авторитет наспроти авторското, естетското и апстрактно обмислување и обликување на нештата. Низ низата документирани компромиси, отстапувања и фрустрации, текстот ни ја разоткрива комплексната позиција на Јордан, а посебно на Искра Грабулоски во однос на другите соработници и општествени авторитети.

Дигиталната просторна инсталација „Воздржан простор (Засегнат од вашите постапки)“ на Чаловски, произлегува пред сѐ од „заборавениот“ подрумски простор на таканаречената „сала за проекции“, сместена под главната купола кон која требало да водат спирални скали, а на чие место денес се наоѓа „Вечниот оган“. Скулптуралната констелација од форми на Чаловски илустрира простор/сцена, кој кореспондира со перформативно-драматуршкиот текст на Иваноска.

Од МКЦ посочуваат дека во оваа публикација се реобјавени и избор на текстови од Антоанела Петковска, Соња Абаџиева Димитрова, Бојан Иванов и Кит Бран, кои се пишувани во различни временски периоди и се однесуваат на општествената, естетско-ликовната и историската важност на споменикот.

Истражувањето и публикацијата се поддржани од Министерството за култура и Фондацијата за уметнички иницијативи од Њујорк, „Foundation for Arts Initiatives“, „i-Portunus“ програмата за мобилност, и „Фушбау“ фестивалот за современа уметност од Хановер, Германија.

Би можело да ве интересира

Kалифорниската нојз панк супергрупа Deerhoof на „Здраво млади“

Ана Ололовска

„A place to bury strangers“ вечерва во МКЦ!

Ана Ололовска

Влатко Стефановски по 40 години во МКЦ

Ана Ололовска

Јубилејно 10-то издание на „Земјотрес“ вечерва во МКЦ

Ана Ололовска

Објавени резултатите од конкурсот за визуелен идентитет на „50 години МКЦ“

Ана Ололовска

Конкурс за идејно-графичко решение за јубилејот „50 години МКЦ“

Ана Ололовска