Министерството за култура, Агенцијата за филм, Канцеларијата за Креативна Европа на Словенија и организацијата за европски програми Еуклид од Велика Британија денеска организираат претставување на програмата „Креативна Европа (Култура и МЕДИА)“.
Во текот на два дена, во Порта „Македонија“ и во Центарот за дизајн и иновации „Јавна соба“ во Скопје, ќе бидат презентирани словенечките и британските искуства. Ќе се одржат и посебни работилници за „Култура“ и „МЕДИА“, на кои заинтересираните оператори од културниот и аудиовизуелниот сектор ќе може да добијат конкретни информации и насоки во однос на проектите кои ги подготвуваат за претстојните повици за аплицирање.