Премиера на детската театaрска претстава „Плашливиот Лав“

Од:

Во понеделник (17.03.2025) со почеток од 12 часот, во Домот на култура „Билјана Беличанец“ во Кисела Вода, премиерно ќе биде изведена театарската претстава „Плашливиот Лав“.

„Плашливиот Лав“ е детска театарска претстава која носи силна порака за другарство и социјализација кај децата. Основното дејствие се случува во големиот магичен град – Вондер Сити. Лавот Роби има сон да стане крал на поп музиката. Но за жал, неговите стравови го спречуваат да си го оствари својот сон. И покрај неговиот прекрасен глас, Роби е премногу срамежлив да пее за кој било друг освен за себе. Поради своите стравови, лавот Роби се заплеткува во низа урнебесни и комични ситуации, кои прават да е многу тажен. Се додека еден ден, случајно не го запознае кловнот Боби, кој блеска со самодоверба и позитивна енергија. Боби го открива талентот на Роби и го гледа потенцијалот во неговиот глас. Решен да му помогне на Роби да го надмине стравот од сцената, Боби станува негов ментор и пријател.

Автор на претставата е Марјан Анѓеловски, а улогите ги толкуваат актерите Јасмин Рамани и Мето Јанакиевски.

Проектот е поддржан од Министерството за култура и туризам на Р.С. Македонија.

Одлична можност за најмладата публика да биде дел од едно уникатно театарско музичко-сценско искуство!

Би можело да ве интересира

Успешно завршени Деновите на македонската литература за деца во Белград

Фотографии од браќата Манаки во старо-ново руво

Поетроника, интервју со Митковски и Салпе: Идејата е авангардата да ја направиме мејнстрим

Вечерва официјално се затвори МТФ Денови на комедија Куманово 2025 при што се доделија и наградите

Предраг Петровиќ

„Франкенштајн“ на Театарот за деца и младинци гостува на фестивалот МЕСС во Сараево

Објавен е регионалниот книжевен избор „Штефица Цвек“ за 2025 година.

Предраг Петровиќ