На Фестивалот за интернационален алтернативен театар ФИАТ во Подгорица денеска ќе биде претставен портрет на македонскиот писател Јордан Плевнеш, ректор на Универзитетот за аудиовизуелни уметности.
Во рамки на портретот ќе биде промовирано црногорското издание на неговиот роман „Осмото светско чудо“. За романот ќе говорат Бранислав Мичуновиќ, Радмила Војводиќ и Бранко Балетиќ, а извадоци ќе претстави црногорскиот актер Бане Поповиќ.
Во рамки на портретот ќе биде изведена монодрамата по текстови на Плевнеш „Револуција или Неволуција“, во изведба на актерот Рубенс Муратовски.