Поезијата на Славе Ѓорѓо Димоски ќе биде претставена на Американскиот универзитет во Благоевград

Од:

На покана на Американскиот универзитет во Благоевград, денеска ќе биде претставена поезија на поетот Славе Ѓорѓо Димоски.

Пред присутните ќе се чита поезија на македонски и на англиски јазик објавена во неговите книги „Engravings“ („Гравири“) и „Field. Batelevield?“ („Поле. Бојно поле?“), а ќе биде воден и разговор со поетот за современата македонска поезија и нејзината состојба денес. Поезијата на Ѓорѓо Димоски ќе ја претстави бугарскиот поет Владимир Левчев.

Поезијата на Славе Ѓорѓо Димоски е застапена во многу антологии на македонската поезија и преведувана на други јазици. На македонски јазик објавил четиринаесет книги, а деветнаесет одделни избори се објавени на странски јазик, од кои три на бугарски. Одделни песни и поетски циклуси му се преведени на над триесет јазици. За неговата поезија напишана е есеистичка книга, а во Италија е одбранет магистерски труд.

Славе Ѓорѓо Димоски е добитник на повеќе награди, меѓу кои: „Браќа Миладиновци“ на Струшките вечери на поезијата, „Ацо Шопов“, „Сергеј Есенин“ (Русија), „Гран-при на европската поезија“ (Романија), а двапати го добил највисоко признание на Охрид – „Св. Климент Охридски, патрон на Охрид“ – за особен придонес во подемот на Охрид и за животно дело.

Би можело да ве интересира

„Од исто тесто – стихови за смртта и надежта“ нова поетска книга од Бранко Цветкоски

Ана Ололовска

„Возови на смртта“ нова збирка песни на Зоран Пејковски

Ана Ололовска

Хусто Хорхе Падрон застапен во новото издание на битолски „Современи дијалози“

Ана Ололовска

Конкурс за најдобра песна на „Празник на липите 2020“

Ана Ололовска

Трет фестивал на поезија за деца „Стихувалки 2020“

Ана Ололовска

Објавена книгата „Поеми“ на поетот Глигор Стојковски

Ана Ололовска