Јубилејна 5-годишна поставка на најдобрите постери од конкурсите од 2008 до 2012 година на Плакарт- Здружението за графички дизајнери на Македонија и Скопје постер фестивалот, е дел од од третиот регионален форум за дизајн Флуид, кој се одржува во Цетиње, Бар и Подгорица, Црна Гора.
Покрај Плакарт, на форумот присутни се гости од дизајнерската фела од регионот, како Борут Вилд, претставници од Дан-Д фестивалот за дизајн од Хрватска, а планирани се и бројни работилници и презентации.
Поставката ќе биде изложена до 14 мај, по што патува во Белград, каде ќе биде презентирана во рамки на студентскиот фестивал за уметност – Ш.У.Н.Д.