Девет песни на поетот Петко Шипинкаровски избрани од неговата најнова збирка „Никулци во утрините“ се објавени во весникот „Национал“ во Тирана. Избор и препев на песните од македонски на албански јазик направи македонскиот поет и публицист Мустафа Спахиу.
Шипинкаровски е писател, поет, сатиричар, есеист, драмски автор, литературен критичар, публицист и преведувач. Автор е на повеќе од триесетина книжевни дела. Членува во Друштвото на писателите на Македонија, Македонското научно друштво од Битола, надворешен член е на Сојузот на независни писатели на Бугарија и член на поетското движење „Поетас дел Мундо“ од Буенос Аирес.