Кратово од денеска до 17 јуни ќе живее со креативноста, уметноста и умешноста на младите ликовни уметници од Македонија и соседството, учесниции на годинашната Меѓународна детска ликовна колонија „Лазар Софијанов“.
На 25-то јубилејна колонија на тема „Староградска кратовска архитектура“ ќе творат дечиња од Кочани, Куманово, Скопје, Кратово, Велес, Прилеп, Ново Село-Струмица и двајца учесници од Соко Бања, Република Србија.
– Учесниците се основци и средношколци до петнаесетгодишна возраст, а сите ќе можат инспирирани од духот на старата архитектура и историски споменици на културата, кулите и мостови, рељефниот несекојдневен и впечатлив амбиент на градот , да создадат дела кои остануваат сопственост на Домот на кулутра кој е и организатор на колонијата. Покрај творењето, дечињата се дружат и разменуваат идеи во текот на еднонеделното одржување на колонијата. Премиерно, изложбата со новосоздадени дела се отвора на 6-ти септември, денот на ослободување на град Кратово, а подоцна , овие дела кружат низ сите домови и центри на кулутра низ државата, информира Тодорка Стојчевска, в.д. директор на Дом на кулутра, Кратово.
Меѓународната детска ликовна колонија „Лазар Софијанов“ има натпреварувачки карактер , предвидени се награди за најдобрите три дела.