Отворена изложбата „Просветлување“ на Перо Кованцалиев и Васко Ѓоргиев

Од:

Во галеријата „КО-РА“ е отворена изложбата „Просветлување“ на уметниците Перо Кованцалиев и Васко Ѓоргиев.

dobivaj vesti na viber

Изложбата ја отвори Виолета Калиќ, историчар на уметноста и стручен соработник за визуелни уметности, дизајн и архитектура во Ј.У. Домот на култура „Кочо Рацин“.

Опишувајќи ја темата на изложбата, Калиќ посочи дека динамиката и експанзијата на технолошките дострели, особено во сферата на маркетингот и рекламата допираат посредно и непосредно и до несвесното во човековото битие и тоа преку најразлични сфери, пласирани создавајќи не само естетика на инстант вредности, туку и една псевдо етика во сите сфери на ововременото живеење која го девастира битовото во човековата севкупност.

-Двајцата уметници во изразната лексика која има бројни неконвенционални изразни форми, средства и материјали, каде светлината-темнината и фразата се интерполираат создаваат една впечатлива компактна доживелица. Силно е сугестивна, како во формата и ликовната изразна лексика во духот на ововременото концептуално, неопластично, каде рекламниот слоган и афоризмите стануваат дел од изразната тематика од ангажиран карактер, така и во пораката која им е инхерентна и ја упатуваат со алузија, иронија, досетка, фраза, инсертирани од паролите, симболите на конзумеризмот, од на нашето катадневие, рече Калиќ.

Таа напомена дека Перо Кованцалиев и Васко Ѓоргиев симултано се надополнуваат во оваа заедничка изложба, а тие се и автори на дизајнот на постерот и каталогот, како и на освртот кон изложбата која е од ангажиран карактер и ја акцентира глобалната хипокризија во вреднувањето на вистинските чисти вредности во многу сфери од човековото опстојување и дејствување.

Изложбата, која ќе биде отворена до 1 ноември, е подржана од Министерството за култура.

Би можело да ве интересира

Изложба на филигрански накит / Марија Милошевска – „Мамка“

Ана Ололовска

Изложба на Јана Јакимовска во МСУ – Скопје

Ана Ололовска

ВИДЕО: Отворена изложбата „Зад Македониумот“ во Кабинетот на претседателот

Ана Ололовска

„Мојот универзум“ изложба на слики од Агрон Абдули

Ана Ололовска

Публиката во Пазин одушевена од илустрациите на македонските автори на изложбата „Дом без граници“

Ана Ололовска

На 23 септември во галеријата Ко-Ра отворање на изложбата „Чувства и движење“

Ана Ололовска