Отворање на изложбата „Модулар“ на Ненад Тонкин во МКЦ

Од:

Изложбата „Модулар“ на Ненад Тонкин вечер, во 20 часот, ќе биде отворена во Галеријата на Младинскиот културен центар (МКЦ).

Уметницата Јана Јакимовска смета дека идејата за „Модулар“ доаѓа од набљудување на градот и сосема спонтаната анализа на состојбата во него.

– При таа анализа Тонкин доаѓа до идеја да ги спои потребата за естетика во јавниот простор, како и потребата од мултифункционални јавни простори, кои ненаметливо ни нудат содржини и значења и нѐ мотивираат да го искусуваме градот во кој живееме, пишува Јакимовска.

Ненад Тонкин (Скопје, 1978) е дипломиран вајар и сценограф на Факултетот за ликовни уметности во Скопје и дипломиран професор по предучилишно воспитание на Педагошкиот факултет „Св.Климент Охридски“ – Скопје. Од учебната 2019/2020 е запишан на магистерски студии на ФЛУ, отсек вајарство.

Од 2014 година досега има реализирано четири самостојни ликовни изложби во Гевгелија, Кичево, Скопје и една онлајн и повеќе групни изложби во државава, во Италија, Германија, Словенија и Црна Гора. Компонирал музика за повеќе од 10 театарски претстави и работел сценографија за театар (три претстави) и филм (два краткометражни филма). Од 2013 година издава своја авторска музика како Mammoth & Yashem и досега има објавено три кратки изданија. Бил дел од организацискиот тим на првото издание на фестивалот КРИК, а сè уште е дел од тимовите на фестивалот „Прво па женско“ и настанот „Пич Прич“.

Од 2018 година заедно со уметницата Јана Јакимовска го започнуваат ликовниот проект Визија Скопје, кој вклучува повеќе ликовни уметници и студенти по ликовна уметност и архитектура. Визија Скопје има за цел преку саркастичен, хумористичен, но и сериозен пристап да понуди можни решенија за изгледот на централното градско подрачје и пошироко.

Од МКЦ информираат дека мерките за претпазливост се строго почитувани.

Би можело да ве интересира

Изложба на фотографии „Вечни тела“ на Жарко Стојчевски и Искра Шукарова

Во галерија „КО-РА “- мал салон отворена самостојна изложба на рачно изработен накит од Соња Драгољуб Гиздавиќ

А1он

Самостојната изложба на рачно изработен накит на Соња Драгољуб Гиздавиќ

Предраг Петровиќ

Во Албанија изложба на тетовски средношколци – „Едно парче уметност“ од Тетово во Тирана!

А1он

Изложбата на дигитални колажи „Барокна подморница“ од Влада Урошевиќ и Марко Трпески

“Ескапизам: Меморијата и идентитетот” самостојна изложба на младата уметница Мила Добревска