Одбрани најдобрите афористичари на конкурсот „Политикоманија“

Од:

Здружението Афористичка репрезентација на Македонија (АРМ) ги прогласи најдобрите творби на отворениот конкурс на тема „Политикоманија“, што беше распишан во рамки на традиционалната вечер на македонски афоризам.

Жири-комисијата одлучи првата награда да му припадне на Марјан Ангеловски од Скопје, второнаграден е Витомир Долински од Струга, а третата награда ќе му припадне на Атанас Крлевски од Велес.

-Годинава на конкурсот се пријавија вкупно 19 афористичари, од кои еден од странство, па неговите афоризми беа вон конкуренција за наградите. Останатите автори доставија вкупно 26 пратки со афоризми на зададената тема, од кои комисијата навистина имаше пријатно задоволство да ги избере најдобрите. Наградите се парични, иако здружението добива минимална финансиска помош од стопанските субјекти, а во последните години изостанува поддршката од Министерството за култура, истакна Јане Атанасов, претседател на здружението АРМ.

Покрај првите три награди, жири-комисијата додели и пофалници за афористичарите Георги Хаџи Васков од Скопје и Љубинка Донева и Јане Атанасов од Кочани. Златна плакета доби и Васил Толевски за неговиот особен придонес за развојот на македонскиот хумор и сатира.

Дипломите и пофалниците на наградените автори ќе им бидат доделени на Седмата вечер на македонскиот афоризам „Кочани 2019“, што ќе се одржи на 29 март.

Би можело да ве интересира

Протестен марш во Кочани: „Кој ги уби нашите ангели, кој ги уби нашите херои и кој ги пеплоса тие ангелски лица“

Тројца пациенти денеска се враќаат од Шведска и Грција

Насилник од Кочани на поранешна партнерка и на нејзиното дете им праќал вознемирувачки пораки

На истражните органи им е предадена целата медицинска документација за пожарот во Кочани

Пет пациенти пуштени денеска, двајца се враќаат од Литванија и Шведска, четворица во критична состојба

Јаревски: Пратеничката група на ВМРО-ДПМНЕ по скратена постапка го менува Законот за јавен ред и мир, со што се става ред за употреба на пиротехнички средства во затворен простор