Во издание на Стрип-центарот на Македонија со седиште во Велес се отпечатени книги во тврд повез наменети за македонскиот пазар, но и пазарот на соседни држави.
Издадени се „Итар Пејо 2 книга“ од Диме Иванов Димано, „Цар Гаврило Радомир“ од Миле Топуз, детскиот стрип „Убавите нешта“ од Раде Дичоски, како и „Зад црното сонце“ на српскиот автор Срѓан Николиќ-Пека. Тоа се изданија на Стрип-центарот на Македонија со седиште во Велес и се дел од нивната годинашна продукција.
Дизајнот е на штипјанецот Александар Стеванов, кој ги изработи на високо професионално и естетско ниво.