Меџикал оркестар и Џијан Емин, со концертна изведба на „Ну погоди!“

Од:

„Прекрасен концерт, одамна во нашиот град немало вакво случување!“

„Уживавме ние, но уживаа и нашите деца.“

„Многу сме ви благодарни што дојдовте, знаеме дека не е лесно да се реализира ваков голем проект во друг град, но ова ни даде надеж дека она што се случува во Скопје може, ако се сака, да се случува и во други градови во земјава“.

Ова беа само мал дел од коментарите по синоќешниот концерт под наслов „Ну Погоди!“ кој се случи во рамките на фестивалот „Парк фестивал“ во Гостивар. Пред голем број на посетители, почитувајќи ги сите протоколи неопходни во време на пандемија, под отворено небо, во прекрасниот парк лоциран покрај Вардар, се одржа концертот „Ну Погоди!“ кој својата премиера ја имаше лани во Скопје во Градскиот парк на „Филхармонија на отворено“.

Овој пат, симфонискиот оркестар „Меџикал оркестра“, заедно со бенд – дел од членовите на ЗЏМ (Здружението на џез-музичари на Македонија) и членови на хорот „ПроАрс“, под диригентство на маестро Џијан Емин, го претставија мултимедијалниот проект „Ну Погоди!“ и пред публиката во Гостивар која уживаше во едночасовниот музички настан. Дел од музиката од анимираните филмови кои го одбележаа детството во 70-тите и 80-тите години на минатиот век како „Ну Погоди!“, „Козле Бозле“, „Балтазар“, „Мечето Ушко“ итн., го чинат репертоарот на овој проект кој навистина ги бранува емоциите на различни генерации на слушатели – дел од нив се присетуваат на своето детство, дел од нив за првпат ги слушаат извонредните теми и се запознаваат со она што на музички план особено, се креирало во не толку далечното минато во Источна Европа. Диригентот Џијан Емин и музичарите и овој пат го вложија својот уметнички капацитет да ја „озвучат“ таа атмосфера и да создадат магија на сцената.

Посетителите во Гостивар, како што и самите коментираа по завршувањето на настанот, беа сведоци на еден поинаков уметнички настан кој долго ќе го паметат.

Би можело да ве интересира

Кривопаланечките пијанисти високопласирани на „Пијанофест 2020“

Ана Ололовска

Во Охрид ќе се одбележат 250 години од раѓање на Лудвиг ван Бетовен

Ана Ололовска

Концерт со дела од Арво Перт во изведба на „Профундис“

Ана Ололовска

Македонскиот камерен состав трио АУРА ќе одржи концерт во Белград

Ана Ололовска

„Опус 1-8“ – деби албум на Гала Насева

Ана Ололовска

Солистички концерт на уметничките од „Трио Долче“ во Охрид

Ана Ололовска