„Скопје филм студио“ на прес-конференција истакнаа дека се надеваат на законски можности да се коригира одлуката и Македонија да добие свој претставник за Оскар.
Велат Комисијата го прекршила Статутот на Друштвото на филмски професионалци.
Го повикаа Управниот одбор итно да се состане и да ја преиспита целата процедура за избор на филм и Македонија во предвидениот рок, до први октомври да добие свој претставник во трката за Оскар.
Инаку, досега наградата „Оскар“ не ја добил ниту еден македонски филм. Единствено „Пред дождот“ на Милчо Манчевски беше номиниран во 1994 година, додека другите предложени филмови не добија номинација, меѓу нив и „Џипси меџик“ на Столе Попов (1997), „Збогум на 20 век“ на Александар Поповски и Дарко Митревски (1998), „Големата вода“ на Иво Трајков (2004), „Контакт“ на Сергеј Станојковски (2006), „Сенки“ на Манчевски (2007), „Мајки“ на Манчевски (2010), „Трето полувреме“ на Дарко Митревски минатата година.