„Лучија од Ламермур“ на 18 март на сцената на Националната опера и балет

Од:

На 18 март со почеток во 20 часот на сцената на Националната опера и балет, уште една изведба на една од водечките бел-канто опери во светската оперска литература „Лучија од Ламермур“ на големиот италијански композитор Гаетано Доницети.

dobivaj vesti na viber

Во оперската претстава ќе учествува врвна солистичка екипа, предводена од нашата првенка Ана Дурловски во насловната улога, баритонот Марјан Јованоски ќе настапи во улогата на Енрико, додека во улогата на Едгардо ќе настапи Благој Нацоски. Во улогата на Рајмондо ќе настапи гостинот од Италија, Алесандро Абис, во улогата на Артуро – Никола Стојчевски, во улогите на Ализа и Нормано ќе настапат Марика Поповиќ и Јане Дунимаглоски.

Диригент на оваа психолошки фасцинантна опера е Иван Еминовиќ, режисер и сценограф е Лев Пулиезе од Италија, а костимограф Марија Пупучевска, концерт мајстор: Верица Ламбевска, хор мајстор: Ѓурѓица Дашиќ.

„Лучија од Ламермур“ е трагична опера напишана во два чина. Салваторе Камарано го напишал либретото според новелата на Сер Волтер Скот „Невестата од Ламермур“. Операта премиерно е изведена на 26.09.1835 г. во Театро Сан Карло во Неапол. Дејството во оригиналното дело на Сер Волтер Скот се базира на вистинска случка во историјата на фамилијата Стер. Настанот се одвива во Ламермур, место во Шкотска во 1669 г. Либретото на операта ја содржи основата на приказната на Сер Скот, но Салваторе Камарано во драматуршката разработка на дејството воведува и други личности кои во делото на Скот не постојат.

Би можело да ве интересира

Балетот „Шехерезада“ на сцената на Националната опера и балет на 14 јуни

Ана Ололовска

„Палјачи“ на сцената на Националната опера и балет на 8 април

Ана Ололовска

„Лебедово езеро“ на 25 март на сцената на Националната опера и балет

Ана Ололовска

„Лучија од Ламермур“ на сцената на Националната опера и балет на 12 март

Ана Ололовска

Премиера на балетот „Госпоѓиците од Авињон“ на 9 март на сцената на Националната опера и балет

Ана Ололовска

В петок во Националната опера и балет – Гала оперски концерт „ARIGATO“

Ана Ололовска