Промоција на културната разноликост и унапредување на почитувањето на правата на заедниците и меѓукултурните односи во земјава е целта на културната манифестација „Македонија наш дом“ што вечер по повод Меѓународниот ден на права и слободи ќе се одржи во Театар Комедија во Скопје.
На манифестацијата, организирана од Агенцијата за остварување на правата на заедниците во соработка со Мисијата на ОБСЕ во Скопје, ќе се претстават повеќе културно-уметнички друштва, вокални ансамбли, литерати, актери, солисити и естрадни уметници од дванаесет заедници во Република Македонија.