Концерт на „Николов-Ивановиќ Ундектет“ во Филхармонија

Од:

Во вторник, со почеток во 20 часот во големата сала на Македонската филхармонија концерт ќе одржи ансамблот „Николов- Ивановиќ Ундектет“. Врската помеѓу традицијата и модерното, „старите добри“ времиња и современиот пристап кон музиката, е пресвртница на целата сегашна и идна џез-сцена. Дали постои златна средина, основа на која се среќаваат и коегзистираат овие две, навидум спротивставени тенденции? Единаесетчлениот бенд на композиторот Владимир Николов и тапанарот Срѓан Ивановиќ, се обидува да даде одговор на токму на ова прашање.

Двајца балкански музичари со респектабилна интернационална кариера се вистинскиот избор за ваков експеримент. Додека Николов е истакнат во својата работа како аранжер и композитор со светски оркестри и ансамбли, Ивановиќ е нешто поактивен во помали формации.

Публиката го познава како лидер на бендот „Blazin’ Quartet“, претставувајќи ја оригиналната визија за приклучување кон модерниот европски џез со балкански влијанија. Угледниот Jazz Times овој ансамбл го вброи меѓу најкреативните големи џез-ансамбли во Европа.

Оркестарот е составен од внимателна селекција на музичари од помладата и средната генерација од балканскиот регион, измешани со уште помлади сили од Франција – во модерен џез-ансамбл.

Нивниот трет албум „Дистопија“ е нова приказна со девет авторски композиции, кои обработуваат социјални и протестни теми. Овој албум ќе биде издаден во Србија и во земјите на поранешна Југославија во декември 2023 година, а во остатокот од светот – во 2024 година.

Првиот сингл од овој албум, „Scream“, веќе е објавен на Јутјуб. Концертот во Скопје, на 12 декември, е дел од промотивната турнеја на новиот албум на „Николов-Ивановиќ Ундектет“.

Би можело да ве интересира

„Бескрај“ – концерт со виолинистката Албена Данаилова

ВИДЕО: Ги мава со патика по глава, бараат уште-хрватската младина во транс, повици за забрана

Предраг Петровиќ

Концерт на Марина Николовска, Маја Чанаќевиќ и Владимир Лазаревски во КИЦ на Македонија во Софија

Горан Наумовски

Пијанистите Арда Мустафаоглу и Леви Шехтман ќе го претстават проектот насловен „88 Dimensions“

Брус Спрингстин ја откажа својата турнеја во септември поради здравствени проблеми

Пејачи го откажуваат настапот на пикникот на СДСМ: „Не ни кажаа дека ова е партиски собир, изманипулирани сме“

Орце Костов