Во рамките на „Охридско лето“, Кинотеката на Македонија организира кино-проекции со цел унапредување на филмската уметност и одбележување најзначајните јубилеи за македонската кинематографија.
Кинотека најави дека оваа година го одбележува значајниот јубилеј на еден од од бардовите на македонското филмско и тетарско актерство – 60 години од првата филмска улога на Емил Рубен.
На програмата при киното во Центарот за култура „Григор Прличев“ во Охрид ќе бидат прикажани три филма кои одбележаа три периоди од актерска кариера на Емил Рубен – МАЛИОТ ЧОВЕК (1957, во режија на Жика Чукулиќ), ИСТРЕЛ (1972, во режија на Бранко Ивановски Гапо) и ТРЕТО ПОЛУВРЕМЕ (2012, во режија на Дарко Митревски).
Проекциите ќе се одржат на 28 јуни, вторник, со почеток во 19, 21 и во 23 часот.