Тематската изложба на фотографии и документи насловена „Временски огледи“ ќе биде отворена вечер во ликовниот салон на Центарот за култура „Марко Цепенков“ во Прилеп.
Поставката опфаќа бројни црно-бели и колор фотографии од научно-истражвачката работа на Институтот за институцијата, тематски поделени според научното подраче на проучување: археологија, историја на уметност, лингвистика, историја, етнологија и фолклор, како и селектирани фотографии од научните собири, конференции, симпозиуми. Ќе бидат изложени и позначајни документи од основањето на Институтот, но и севкупната издавачка дејност – монографии и периодика.
Изложбата која Институтот за сраословенска култура ја реализира во соработка со ЦК „Макро Цепенков“, е во рамки на манифестацијата „Отворени денови“ на Институт по повод 35 годишниот јубилеј
Претходно во библиотеката „Борка Талески“ ќе биде промовиран „Речникот на странски зборови и изрази од Јанаки Стрезов, од втората половина на 19 век“, во подготовка на д-р Виолета Крстеска, што е најновото издание на Институтот за старословенска култура – Прилеп.