Во галеријата на Младинскиот културен центар вечер ќе биде отворена изложба на Ване Костуранов, насловена „Улица љубов”.
Костуранов (Струмица,1979) активно се занимава со сликарство петнаесетина години. Имал девет самостојни изложби и учествувал на повеќе групни.
– Куќите на Ване Костуранов изгледаат природно надвор од симболите на градот, надвор од природните синџири на урбаната законитост. Во неговите животворни улици, куќите се вертикали на присуството во потрага по свој дом, истакнува поетот Никола Маџиров, кој ќе ја отвори изложбата во МКЦ.