По повод одбележувањето на 20-годишнината од воспоставувањето дипломатски односи меѓу Република Македонија и Народна Република Кина, денеска во просториите на Националната галерија (Мала станица) ќе биде отворена изложба на ракотворби од кинеската област Чианг.
Изложбата е резултат на духовната и на културната рехабилитација, а секој експонат е рачно навезан од девојките од малцинството Чианг во регионот Венчуан.
Во изминатиот период, во рамките на програмските активности за одбележување на двете децении билатерални врски меѓу двете земји, оркестарот на Централниот музички конзерваториум од Пекинг одржа концерт во Македонската опера и балет.
На отворањето на изложбата ќе се обрати претседателот на Собранието Трајко Вељаноски.