Во рамки на „Скопско лето“, вечерва, во 21 часот, во КИЦ, ќе биде отворена изложбата „ФЕМИНА 8“ во организација на ДЛУМ, куратор на изложбата е Јана Манева Чупоска.
„Изложбата „Femina 8“ именува осум носители на уметнички записи: Трујкановиќ, Паскали, Кировска, Вренцовска, Милованчев, Томиќ Радеска, Петрушевска, Манева – Чупоска, како метафори на разграничувања на неколку нивоа, започнувајќи од минато, сегашно, идно, актуелно, автореферентно, имагинарно време.
Ликовните искуствени и уметникови записи во оваа изложба се екстремно емотивни и сугерираат дефинирани лични одговори, прашања, состојби, дилеми, но сугерираат и поставени одговори и прашања кои наметнуваат нови состојби, дилеми и чувства.
Начинот на кој се дефинираат самите себе, авторите на оваа изложба, упатува на автореферентност, сопствено уметничко делување, наметнувајќи суштински прашања и одговори, поврзани со „Фемина“, пишува во текстот за оваа изложба