Во Национална Уметничка Галерија кај Мала Станица во Скопје од денеска до 30 Март ќе биде претставена Збирката на фотографии за Босфорот од средината на 19. век до 20.век, насловена „Од Константинопол до Истанбул“.
Изложбата, органиизирана во склоп на проектот „Меѓукултурен уметнички дијалог Турција-Балканскиот Полуостров“ во соработка со Пера Музејот на Фондацијата на Суна и Инан Крач, Истанбулското Здружение за меѓукултурна уметничка соработка ИКАДС и Институтот Јунус Емре е подржана од Националната Комисија на УНЕСКО на Турција.
Изложбата „Од Константинопол до Истанбул“ која го претставува некогашниот Истанбул со грандиозните објекти, секојдневниот живот и интересните личности е подготвена од Колекцијата на Фотографии на Фондот Суна и Инан Крач. Изложбата под кураторство на М. Синан Геним ги претставува делата на мајсторите на фотографијата од тоа време.