Изложбата на фотографии од Интернационалниот фото салон ќе биде отворена вечерва во Уметничката галерија во Куманово.
На натпреварот учествуваа над 300 автори од 56 држави кои се натпреваруваа во четири категории – Слободна црно бела, Слободна во боја, Природа и Живот. Категоријата Живот беше посветена на македонскиот доајен на новинарска фотографија Живко Јаневски каде за прв пат оваа година ќе бидат доделени медали за најдобри новинарски фотографи.
Награди добија и четири македонски автори и тоа Романа Милетиќ, Владимир Арсовски, Игор Јанковски и Коста Дупчинов.
Наградите ќе ги додели Цветан Гавровски, претставник на најстарата светска фотографска организација ФИАП.