Во Домот на културата „Наум Наумовски – Борче“ во Крушево вечер ќе биде отворена изложба на фотографии „Момент на впечатоци“ на новинарката Каролина Мицевска од Прилеп, во рамки на Крушевското културно лето.
Мицевска на изложбата ќе се претстави со 20 фотографии кои се дел од подолгорочниот циклус „Момент на впечатоци“ на кој започна да работи во 2007 година. Преку нив се пренесени импресиите од природните убавини на Македонија, на Крушево, но и од Русија.
Каролина Мицевска, дипломиран новинар, досега имала изложби во родниот град, во Гевгелија, Радовиш и Неготино.