Изложбата „Љубов меѓу мајка и син“ од ликовната уметница Дороти Пачкова вчера вечер е отворена во Културно-информативниот Центар на Република Македонија во Софија.
Пред публиката изложени се 12 дела кои ја симболизираат отворената интерактивна комуникација меѓу ликовната уметница и нејзиниот четиригодишен син.
Изложбата ја отвори директорот на Центарот во Софија Васко Шутаров, а присутните родители и деца беа поканети да учествуваат во создавањето ликовни дела.
Ова е прво самостојно претставување на Дороти Пачкова во Софија, а проектот е дел од Годишната програма на Културно-информативниот Центар на Република Македонија во Софија, поддржан од Министерството за култура.