Ликовна изложба на дела од четвртата ликовна колонија „Љубанци 2014“ ќе биде отворена вечер во општина Бутел. Ќе бидат изложени 33 дела од 15 автори, од кои 29 уметнички слики и четири скулптури.
Автори на делата се Данчо Ордев, Владимир Темков, Драган Најденовски, Мирослав Славковиќ, Владимир Лазоски, Анкица Влашиќ, Џејљан Реџепи, како и гостите од Србија и Бугарија, Владан Ранѓеловиќ и Сава Савов.
На изложбата ќе биде промовиран и новиот каталог во кој се претставени авторите и делата од колонијата „Љубанци 2014“, што се одржа од 15 до 22 јуни минатата година во Љубанци. Изложбата ќе биде отворена до 21 мај.