Во Центарот за култура во Крива Паланка синоќа беше отворена изложба на цртежи од младата уметничка Александра Петковска, матурант во средното општинско училиште „Ѓорче Петров“.
На изложбата, како што информира директорот на Центарот за култура Александар Рангелов, се поставени околу 25 цртежи, главно портрети, но и други дела инспирирани од филмови и од внатрешната имагинација на авторот.
– Петковска е исклучително талентирана, првенец на кривопаланечката гимназија, која досега го покажала својот раскошен талент во многу области, како и на полето на уметничкото троврештво, истакна Рангелов.
Во знак за поддршката на талентирани ученици, Петковска му подари портрет на градоначалникот на Крива Паланка, Арсенчо Алексовски.
Изложбата ќе биде отворена во наредните седум дена.