Во Чифте амам вечер ќе биде отворена изложба на академската сликарка Жанета Гелевска Велјановска.
Изложбата, која е насловена „Конекција“ содржи педесетина дела комбинирана техника на платно. Сугерира симбиоза на најважните вредности во животот, како и во уметноста.
Сликарката дипломирала на Факултетот за ликовни уметности во Скопје во 1989 година, а од тогаш е член и на ДЛУМ. Учествувала на многубројни изложби во земјата и надвор од неа, а учествувала и во различни уметнички проекти. Во 1999 година е поканета да учествува на изложба во престижната галерија „Blains“, во Мејфер, Лондон за веднаш потоа да се пресели во Англија, каде што работи како слободен уметник.