Во мултимедијалниот културен центар Матица екслузив во Скопје, ќе биде отворена изложба на познатиот македонски сликар, академик Васко Ташковски.
Авторот првпат пред љубителите на уметноста ќе презентира дваесет и шест графики. Ќе биде промовирана и Монографијата на цртежи од авторот, во издание на Матица македонска и Македонската академија на науките и уметностите.
За делото на Ташковски ќе говорат писателот Раде Силјан и академик Владо Камбовски, претседател на Македонската академија на науките и уметностите.
Со оваа излoжба „Матица македонска“ ја продолжува востановената традиција да ги афирмира вредностите на македонските сликари и уметници.