Со отворање изложба на фотографии „Манаки фотографи одблиску“, подготвена од Роберт Јанкулоски, Дирекцијата за култура и уметност на Скопје и Министерството за култура и оваа година го продолжуваат проектот „Кич, да!?/ сте или не/“, што се организира седум години.
Изложбата ќе биде отворена денеска напладне во Домот на културата „Иван Мазов-Климе“ во Кавадарци.
Фотографиите се изработени од оригиналните стаклени плочи во дисперзираната лабораторија на Македонскиот центар за фотографија. Материјалот е отстапен од Државниот архив на Македонија – подрачно одделение – Битола.
Дирекцијата за култура и уметност на Скопје соопшти дека целта на проектот е презентација и промоција на ликовната уметност и доближување на дела од врвни македонски и светски уметници до публиката.