Во Центарот за култура „Марко Цепенков“ вечер во рамки на Вториот фестивал на руската дијаспора „Јубилејна Русија“ ќе биде отворена изложба на детски цртежи и ракотворби, а потоа ќе се одржи концерт на кој со автентнични руски носии ќе се претстават руски уметници и ансамбли кои живеат и творат во Македонија.
Вториот Фестивал на руската дијаспора „Јубилејна Русија“ започна на 15-ти септември, а настани беа организирани и во Скопје и во Свети Николе.
Целта на Фестивалот е да ги прикаже достигнувањата на руската дијаспора во Македонија во денешно време, обединувајќи различни колективи и индивидуални претставници од целата Република.
Во рамки на фестивалот беа одбележани низа значајни датуми меѓу кои: 100 години од смртта на Распутин, 50 години од смртта на Ана Ахматова, 120 години од првата изведба на „Галеб“ на Чехов, 240 години од основањето на Бољшој театар…
Фестивалот е организиран од здружението на руски сонародници „Чајка“ со финансиска поддршка од Управата на Москва.