Младинскиот културен центар (МКЦ) информира дека и претстојниот викенд, 17 и 18 јули (петок и сабота) во МКЦ парк повторно ќе се одржат бесплатни кинопроекции во паркот пред МКЦ. Билетите се бесплатни, но задолжителни, а тие можат да се набават преку веб-страницата bileti.mkc.mk, се вели во соопштението.
На репертоарот во петок е филмот Portrait of a Lady on Fire (2019) во режија на Селин Шама, додека во сабота, ќе биде прикажан иранскиот филм Everybody Knows (2018), на оскаровецот Асгар Фархади. Двете проекции почнуваат во 21 часот, а обезбеден е превод на македонски јазик.
Настаните ќе бидат реализирани по соодветен протокол, запазувајќи ги препорачаните мерки за заштита, информираат од МКЦ.